టాటా స్కై సరికొత్త ‘స్మార్ట్’ ప్లాన్స్ మీకోసం.

దిగ్గజ డైరెక్ట్- టు- హోమ్ (డీటీహెచ్) సర్వీస్ ప్రొవైడర్ టాటా స్కై తాజాగా కొత్త ఛానల్ ప్యాక్స్‌ను ఆవిష్కరించింది. ప్రాంతీయ భాషలకు సంబంధించి కొత్త స్మార్ట్ ప్లాన్లను లాంచ్ చేసింది. ఎఫ్‌టీఏ ఛానళ్లు కూడా ఇందులో భాగంగానే ఉంటాయి. 

టాటా స్కై కొత్త స్మార్ట్ ప్యాక్స్ ధర రూ.206 నుంచి ప్రారంభమౌతోంది. మరాఠి ప్లాన్‌కు ఈ ధర వర్తిస్తుంది. హిందీ స్మార్ట్ ప్లాన్ ధర రూ.249గా, పంజాబీ స్మార్ట్ ప్లాన్ ధర రూ.249గా, గుజరాతీ స్మార్ట్ ప్లాన్ ధర రూ.249గా, బెంగాలీ స్మార్ట్ ప్లాన్ ధర రూ.220గా, ఒడిశా స్మార్ట్ ప్లాన్ ధర రూ.211గా ఉంది. 

ఇకపోతే తెలుగు స్మార్ట్ ప్లాన్ ధర రూ.249గా ఉంది. తమిళ్, కన్నడ, మలయాళం స్మార్ట్ ప్లాన్స్ ధర కూడా రూ.249గా ఉంది. డీఆర్‌పీ, ఎన్‌సీఎఫ్, పన్నులు కలుపుకొని ఈ ధరల్లోనే కలిసి ఉన్నాయి. 

మరోవైపు టాటా స్కై మిని ప్యాక్స్, యాడ్ ఆన్ ప్యాక్స్ కూడా అందిస్తోంది. తెలుగు రీజినల్ ప్యాక్ ధర రూ.216గా, తెలుగు మిని హెచ్‌డీ ప్యాక్ ధర రూ.90గా ఉంది. టాటా స్కై అలాగే రెండు కొత్త బ్రాడ్‌క్యాస్టర్ ప్యాక్స్ కూడా లాంచ్ చేసింది.