‘ఏబీసీడీ’. ‘అమెరికన్ బార్న్ కన్ఫ్యూజ్డ్ దేశీ’ మూవీ ట్రైలర్

అల్లు శిరీష్ హీరోగా నటించిన తాజా చిత్రం ‘ఏబీసీడీ’. ‘అమెరికన్ బార్న్ కన్ఫ్యూజ్డ్ దేశీ’ అనేది ట్యాగ్ లైన్. మలయాళంలో సూపర్ హిట్ అయిన ‘ఏబీసీడీ’ సినిమాకు ఇది రీమేక్. అల్లు శిరీష్ చివరగా నటించిన చిత్రం ఒక్క క్షణం. ఆ చిత్రం నిరాశపరిచిన తర్వాత శిరీష్ నుంచి మరో సినిమా రాలేదు. కాస్త ఎక్కువగా గ్యాప్ తీసుకున్న శిరీష్ ఈ సారి ఎలాగైనా హిట్ కొట్టాలని నిర్ణయించుకున్నాడు సంజీవ్ రెడ్డి ఈ చిత్రంతో దర్శకుడిగా పరిచయం అవుతున్నారు. మధుర ఎంటర్‌టైన్మెంట్ బ్యానర్‌పై మధుర శ్రీధర్ రెడ్డి, బిగ్ బెన్ సినిమాస్ బ్యానర్‌పై యష్ రంగినేని సంయుక్తంగా నిర్మిస్తున్నారు. చైల్డ్ ఆర్టిస్ట్ గా మెప్పించిన మాస్టర్ భరత్ ఈ చిత్రంలో అల్లు శిరీష్ స్నేహితుడిగా నటించాడు. శిరీష్ తండ్రి పాత్రలో నాగబాబు నటించడం విశేషం. తాజాగా ఎబిసిడి ట్రైలర్ ని విడుదల చేశారు. అల్లు శిరీష్ సరసన రుక్సార్ థిల్లాన్ హీరోయిన్‌గా నటించింది. కన్నడ టాప్ మ్యూజిక్ డైరెక్టర్ జుధా సాంధీ ఈ చిత్రానికి సంగీతం సమకూర్చారు. మే మే 17న ఈ చిత్రం ప్రేక్షకుల ముందుకు వస్తోంది.